CONTO: O GLOBIÑO VERMELLO

   Neste último xoves lectivo do curso quero presentarvos un conto que a min persoalmente me encanta! É da editorial KALANDRAKA e revolucionou o panorama da literatura infantil pola súa atractiva e novidosa proposta gráfica. Un conto sen texto que destaca polo seu deseño minimalista e depurado. Co paso de cada páxina apreciase o proceso de metamorfose de un globo en diversos obxectos cos que garda semellanza: mazá, bolboreta, flor,…

LECTO-ESCRITURA_Letra I_2ª Parte

FIGURAS XEOMÉTRICAS

ACTIVIDADES

PRIMAVERA

   Sabedes que vai ocorrer o vindeiro sábado 20 de xuño? 

Pois que remata a primavera e coa súa despedida damos paso ao VERÁN! Unha estación  que normalmente se caracteriza polo bo tempo e as vacacións e da que espero que disfrutedes moitísimo. Pois como esta primavera foi un pouco atípica e non tivemos moito tempo de falar de ela no cole, déixovos unhas pequenas actividades para que a despidamos de cara o vindeiro curso. 😘

MASCOTAS_3

   Inda que ben podería parecer o título dunha película, "Mascotas 3" é unha nova entrega dos vosos animaliños de compañía. Animais especiais que precisan de coidados e mimos que, de seguro, non lles faltará ao voso carón.

   Hoxe imos coñecer unha gran variedade de animais: Gatiños, un can, unha tartaruga, un peixe "que vive en la piña debajo del mar..."(adiviñades como se chama?), paxariños e... ata un cabrito! Pero esto non remata aquí, próximamente achegareivos unha nova entrega de "Mascotas 4". 

Que contenta estou de tervos sempre aí!

MATES MANIPULATIVAS E O NÚMERO 1

Xoves... CONTO!!

   Bos días a todos e todas, como cada xoves comparto con vós unha pequena historia; neste caso é un breve relato destinado ao público infantil máis miúdo pero que adoita gustar a tódalas idades. Ademais de traballar as principais nocións espaciais, ao incoporarlle unha base rítmica capta máis a atención dos nosos pequenos e pequenas e promove o seu gusto pola literatura. Para contar contos é importante crear un clima especial e buscar tamén lugares especiais. O lugar de hoxe, é un de esos montes que nos rodean e que nos ofrecen unhas vistas das nosas rías espectaculares, neste caso, é o monte de San Lois, unha paraxe que non precisa de ningún tipo de filtro porque por el só desprende unha maxia especial.

   Atopástedes a Nora no vídeo? Seguro que sí!!! 

   Pois, a continuación, déixovos a imaxe dos dous piñeiros para que vós debuxedes os elementos que faltan:

LECTO-ESCRITURA_Letra I_1ª Parte

                       A PRINCESIÑA "I"

  Conto:

  Canción:

  Actividades:

FIGURAS XEOMÉTRICAS

ACTIVIDADES

AS NOSAS MASCOTAS_2

Agora que xa coñecemos as mascotas de Héctor e Inés:



Pois Carlos Jesús, Ibai e Mauro tamén nos queren presentar as súas:

Pero non pensedes que Héctor tan só ten a Pompón, a súa casa parece un zoolóxico!! Eu quedei impresionada!! E, coma sempre, volos vai presentar de marabilla tamén a todos vós a través de este vídeo: 

Que animais máis fermosos tendes!!! 

Grazas por compartilos con nós!!

Pois para aqueles que teñades mascotas ou para quen queira facer unha actividade dalgún animal que lle guste ou algunha mascota dalgún amigo ou familiar, déixovos unha pequena tarefa que fomentará o desenrolo de diferentes áreas de aprendizaxe:

MATEMÁTICAS

CONTO: Un agasallo diferente

LECTO-ESCRITURA _ Letra A _ 2ª Parte

FIGURAS XEOMÉTRICAS

ACTIVIDADES

Os Bolechas _ Xogo de memoria

Como andades de memoria? Despois da fin de semana propóñovos facer unha proba ben divertida co Xogo de Memoria dos Bolechas!

Levanta as cartas por parellas e recorda que personaxe hai en cada unha. Cando saibas onde hai dúas iguais levántaas e quedarán para arriba. O xogo remata cando estean todas boca arriba. Hai 3 niveis de dificultade e o tempo conta

AS NOSAS MASCOTAS

Sabedes quen son Dana e Pompón? 

Serán os nomes duns bonecos? Serán uns personaxes de contos? Ou será o nome dalgunha serie de debuxos animados? Pois podería ser calquera de estas opcións,... Pero NON! 
Dana é a cadeliña de Inés, que de seguro paseou un montón neste confinamento:

E Pompón é o coelliño de Héctor que tan ben volo presenta neste vídeo:

Encantaríanos coñecer as vosas mascotas! Podedes presentárnolas a través de algunha FOTO ou VÍDE0. Así poñémoslle cariña a eses animaliños dos que tanto me falabades cando estabamos no cole!

DES-Confinando

Hoxe non toca compartir nada de traballo porque o domingo sempre foi día de descanso. Pero sí que é un momento máis que ideal para compartir con todos vós algunhas das marabillosas fotos que me mandades e que tanto me gustan. Espero seguir recibíndoas! 

Espero que vos atopedes ben e mil grazas a tod@s por estar en todo momento aí!

MATEMÁTICAS

CONTO: O pirata Pata de Lata

      Os xogos de búsqueda do tesouro, gustan a pequenos e grandes; así que aquí vos deixo unha actividade moi entretida para pasar un bo rato na casa. Pero, mellor gardala para un día de chuvia e, agora que se pode, aproveitar para buscar tesouros nas rúas, praias e campos; pero sempre con moito sentidiño para recuperar pronto a normalidade e poder estar outra vez todos xunt@s! 😘

ACTIVIDADE

LECTO-ESCRITURA _ Letra A_ 1ª Parte

                            A RAÍÑA "A"

 Conto:

Canción:

Actividades:

FIGURAS XEOMÉTRICAS

ACTIVIDADES

ALEXIA: As fases da Lúa

A Alexia debeulle gustar tanto o conto de Lúa que decidiu averiguar cales son as súas fases e o porqué das variacións no seu tamaño. Peppa Pig fixo que se despistase un pouco coa lúa crecente e minguante, pero agora xa o ten clarísimo 😂😂😂!

Queredes ver que traballo tan bonito fixo para explicárvolas? 

Pois aí vai!!

Moitas grazas Alexia!!!

AUDICIÓN E LINGUAXE

A mestra Alba de Audición e Linguaxe do noso colexio propónvos unha serie de recursos que propiciarán a estimulación da linguaxe. É unha orientación para todo o alumnado de Educación Infantil, polo cal non todo se adaptará aos nosos nenos e nenas de 3 anos. Botádelle un ollo e elexide aquilo que máis vos conveña!

Este primeiro lugar, podedes atopar  unha canle de youtube da mestra de Audición e Linguaxe, Eugenia Romero. Nel poderedes atopar vídeos para a correcta pronunciación de determinados fonemas, como por exemplo o /r/; xogos de adiviñar sons ou ordenar letras nunha palabra. 

Tamén vos recomenda dous xogos:

O primeiro é de dados fonéticos para que os nenos e nenas xoguen e practiquen os sons, sobre todo /r/ e /s/.

O segundo é como o "dobble" pero con debuxos de dinosauros. Nel traballamos vocabulario, atención e percepción.

E finalmente, mándavos un documento que ten exercicios moi completos de soplo, praxias, etc. 

Na web do colexio, o Departamento de Orientación tamén dispón de documentos e xogos que poden ser do voso interese. Grazas

MATEMÁTICAS

CONTO: A VACA QUE SUBIU A UNHA ÁRBORE

Seguindo a iniciativa da biblioteca do noso cole, os xoves ímolos adicar aos contos.

Hoxe os nosos protagonistas son Antón e o seu irmán Martiño.

 Mirade que bo equipo fan contándonos esta fermosa historia! 

Fantástico chicos, moitas grazas por compartilo con nós!

LECTO-ESCRITURA _ Letra U

ACTIVIDADES

FORMAS XEOMÉTRICAS

Os nenos e nenas nos seus primeiros anos de vida son verdadeiras esponxas de aprendizaxe. Hai algunhas cousas que lles custan máis que outras, pero polo xeral coa axuda de xogos, vídeos e cancións vailles resultar moito máis fácil aprendelas. as figuras xeométricas adoitan estar moi unidas á nosa vida cotiá e o seu aprendizaxe vai axudar moito ao pensamento lóxico-matemático; por iso, hoxe vouvos explicar algunhas actividades que vos axudarán a ensinarlles aos nenos e nenas as diferentes formas xeométricas.

Reconstrución de figuras a través das diferentes formas.

Coñecido dentro de este apartado está o Tangram. E nesta liña gustaríame presentarvos un xogo que nós empregamos moito na casa e que nestas idades adoita gustar moito. De esta maneira, non só aprenderán as figuras matemáticas, senón que tamén fomentará o pensamento creativo e a coordinación óculo-manual.

Este tipo de xogo pódese facer tamén recortando as formas en cartóns ou cartolinas de cores e que eles deixen voar a súa imaxinación creando diferentes figuras.

Xogos interactivos

Na Internet podemos atopar multitude de xogos interactivos con figuras xeométricas. Aos nenos e nenas de hoxe en día encántalles xogar coas novas tecnoloxías, por iso empregar unha tablet ou ordenador (sempre con sentidiño) pode ser un moi bo recurso para motivar aos máis pequenos. Un xogo fácil e divertido á vez pode ser juego Ara y Belbo: figuras geométricas. Aquí atoparemos un trasniño nunha habitación escondido detrás de unhas formas xeométricas. Os nenós terán que arrastrar as formas ata as súas siluetas correspondentes. Así os nenos e nenas desenvolverán a percepción visual e a organización espacial.

Cancións e vídeos infantiles

Como ben sabemos, os nenos e nenas aprenden moito máis rápido coa música. Cancións e vídeos que expliquen as formas xeométricas con rimas e ritmo, propiciarán o seu aprendizaxe. Déixovos unha canción sinxela das principais formas e un vídeo de Pocoyo, que me gusta moito porque traballa as formas na liña do xogo que vos presentei anteriormente.

Actividades plásticas

Unha vez que os nenos e nenas recoñezan as diferentes formas xeométricas, tamén é importante que as plasmen en papel ou calquera outra superficie. Para esto poderase empregar multitude de materiais: con plastilina, rotuladores, pinturas, materiais de refugallo,...

Aparte de todas estas actividades, tamén vos irei deixando no blog un material de reforzo das principais formas a traballar en 3 anos: círculo, cadrado, triángulo e rectángulo.

Bicos para tod@s, de tódalas formas e cores! 😘

Conto dos Bolechas - Ricardo Carvalho Calero

HOXE FESTEXAMOS O DÍA DAS LETRAS GALEGAS!

Ben sabemos que non será coma outros anos, por iso Política Lingüística decidiu ofrecer o libro dos Bolechas adicado a Carvalho Calero en formato dixital, para que as galegas e galegos do mundo enteiro poidan coñecer o autor homenaxeado este ano. Tédelo xa dispoñible no Portal da Lingua Galega https://bit.ly/2WUetAS

#LetrasGalegas #librosBolechas #AprenderCosBolechas

SEMANA DAS LETRAS

Pois agora que as mamis e os papis xa sabemos máis... é a quenda dos máis pequen@s. Esta semana, festexaremos a Semana das Letras, e, para homenaxear a Ricardo Carvalho Calero, cada día deixareivos unha actividade, na que ademais de traballar outros conceptos, coñecerán un pouco máis da vida de este autor. A través do enlace podedes atopar toda a programación semanal!

Se queredes podedes facer un pouco de trampas e saltar ata o venres, alí atoparedes actividades súper divertidas clasificadas por idades. Sabedes que me encanta vervos inda que sexa na distancia, así que esta semana podedes aproveitar para mandarme algunha foto co voso conto favorito, algunha actividade de este autor ou simplemente co voso mellor SORRISO! 😊

LETRAS GALEGAS 2020

O vindeiro domingo 17 de maio, festexarase o Día das Letras Galegas con homenaxe a RICARDO CARVALHO CALERO. A pesares do confinamento non podemos esquencer este día clave para as nosas letras e para a nosa cultura. Por iso, preséntovos esta actividade de SCAPE ROOM sobre O Misterio da Casa de Ricardo Carvalho Calero elaborado por compañeiras do CPI de Vedra. Esta actividade non vai dirixida aos máis pequerrech@s da casa senón aos máis maiores. Actividade moi entretida e que nos axudará a saber algo máis do autor homenaxeado. Seredes capaces de chegar ao remate??? Xa me contaredes! 😘😘 E apuntade os números, non fagades coma min! 🙈

XOGOS EN LIÑA

Sabedes que día é hoxe? VENRES!!! 

(inda que xa todos nos parezan iguais 🙆!).

Para rematar a semana propóñovos unha páxina onde podedes atopar variedade de xogos en liña. Espero que aprendades moito xogando e que vos divirtades un montónnnnnn!!

https://www.elbuhoboo.com/juegos-educativos.php

IMAXINACIÓN FRONTE O COVID-19_Parte III

Disfrutando das pequenas cousas da vida, 

porque un día daranse conta de que eran verdadeiramente

GRANDES!!!

LECTO-ESCRITURA _ Letra U

Os mércores ímolos adicar á lecto-escritura e ireille presentando aos nenos e nenas as vogais a través de contos e cancións. Ademais incorporarei un par de páxinas con actividades. Insisto en que son VOLUNTARIAS, e están aí para que botedes man delas sempre e cando queirades!

O REI "U"

ACTIVIDADES

A IMPORTANCIA DO AGARRE DE PINZA

Sodes moitas nais e pais os que me preguntades cando un neno ou nena debe coller ben o lapis.

IMOS ALÁ!

Pois ben, en primeiro lugar, debemos recordar que cada individuo é único; polo tanto, ten os seus propios tempos de evolución e estes deben ser respectados.

Pero teño que dicir que é moi importante nestas idades que aprendan a facer ben a pinza ben sexa collendo os lapis, pinceis, os utensilios de comer, ou outros instrumentos. 

Hai nen@s que teñen un mal agarre ou que cando pintan o fan moi floxiño, sen apenas forza. Fortalecer a musculatura das súas mans vai axudar a un posterior aprendizaxe da escritura, cando teñan que aprender a facer trazos determinados e mais precisos.

Que podemos facer para axudalos a mellorar o agarre de pinza?

Antes de nada, debemos traballar a motricidade fina do neno ou nena. 

CONTO COLOREABLE E DE CONCIENCIACIÓN:

👀 Atentas e atentos, a ver se atopades a vosa casiña neste conto! 👀

DÍA DA NAI

Charo, Verónica, Ángela, Rebeca, Estefanía, Laura, Berta, Chantal, Yeray, Elena, Lorena, Marina, Cristina, Chus, Genma, Eva, Ana Belén, Carmen, Loli, Bea, Begoña,... 

Esta situación non me vai impedir dicir alto e claro o moito que valedes e que sodes un dos pilares fundamentais para afrontar esta situación. Espero que os meus pequen@s non me fallen e vos demostren hoxe e sempre o moito que vos queren! Feliz día!

DÍA INTERNACIONAL CONTRA O ACOSO ESCOLAR

OS MAIOS

Levántate maio
que tanto durmiches,
xa pasou o inverno

e non o sentiches.

Durante o 1 de maio en Galicia as portas das casas, os animais, apeiros de labranza, coches,... aderézanse cunha ramiña de xesta para anunciar a chegada do bo tempo e, a súa vez, a modo de protección contra o mal de ollo e para afastar as influencias negativas. A ver se tamén nos axudan a que este virus se arrede o máis posible de nós.

A "Festa do Maio" representa o comezo do bo tempo e represéntase a través de diferentes estructuras que exaltan a natureza e a primavera. 

“Os Maios” máis famosos son os que se festexan nas provincias de Pontevedra e Ourense. Inda que polo que podedes ver en Rianxo tamén se poden celebrar os Maios facendo colares preciosos. Moitas gracias Alexia por compartir esta bonita actividade con nós! Chic@s espero os vosos bonitos colares unha vez o tempo mellore e podamos ir a recoller flores! Un biquiño moi grande e que maio nos permita saír máis e gozar dos nosos e do noso entorno.

MATEMÁTICAS

Método ABN

O Método ABN foi creado polo doutor en filosofía e ciencias da educación Jaime Martínez Montero. É un método de algoritmos baseado en números e de ahí deriva o seu nome. Antes de compartir con vós máis actividades de aprendizaxe das matemáticas, gustaríame que lerades esta información, pois de seguro vos dará moitas ideas para facer cos vosos pequen@s na casa e que irán na nosa liña de traballo na aula. 

INFORMACIÓN