IMOS ALÁ!
Pois ben, en primeiro lugar, debemos recordar que cada
individuo é único; polo tanto, ten os seus propios tempos de evolución e estes
deben ser respectados.
Hai nen@s que teñen un mal agarre ou que cando pintan o
fan moi floxiño, sen apenas forza. Fortalecer a musculatura das súas mans vai
axudar a un posterior aprendizaxe da escritura, cando teñan que aprender a
facer trazos determinados e mais precisos.
Que podemos facer para axudalos a mellorar o agarre de pinza?
Antes de nada,
debemos traballar a motricidade fina do neno ou nena.
E como?
Aquí vos deixo
algúns exercicios que poderiades realizar na casa sen moitas complicacións:
. Xogar con pinzas de tender a roupa: Con
elas podemos coller boliñas de papel ou pompóns e transportalos de un sitio a outro. Déixovos un arco da vella que se pode empregar como plantilla para que vaian completando con pompóns ou papeis de cores. Tamén poden enganchar as pinzas unhas a outras e facer
formas simples como unha serpe ou un cadrado. Con isto fortaleceremos, sobre todo, os dedos índice e o
polgar.
. Xogar a amasar: Con calquera tipo de masa, barro, plastilina,... Facemos
boliñas, figuras,... Escondemos pezas dentro dunha bola grande de plastilina e
que xoguen a atopala. Así estaremos axudando ao fortalecemento de toda a man.
. Tesoiras: Aquí o agarre tamén é
importante, pero beneficiará moito a resistencia da man. Podemos comezar con
folios, revistas,... e despois ir incrementando os gramaxes a cartolinas ou
cartóns finos.
. Xogos de construción: Con eles os
peques desenrolan a motricidade fina en xeral e a fortaleza nas mans. Ademais podemos
ir incrementando o grao de dificultade diminuíndo o tamaño das pezas.
Pero, non só dependerá de isto! O neno ou nena deberá cumprir con unhas etapas
madurativas previas tanto a nivel de manipulación como de percepción e
coordinación do seu corpo.
Ademais de estes requisitos, debemos coñecer cal é a evolución na realización de pinzas dixitais e as idades aproximadas nas que isto sucede. Podemos tomar como referencia o seguinte cadro:
Estes son uns datos orientativos, e, como xa dixen nun primeiro momento, vai depender moito de cada neno ou nena. O que imos tentar co noso alumnado de 3-4 anos é
orientar unha pinza coordinada e funcional que permita
realizar un agarre correcto do lapis para evitar vicios posteriores que poidan desembocar na mala escritura
por un mal agarre.
Non obstante, pode ser que algúns nenos e nenas acaden máis tarde
esta capacidade e mostran unha maior dificultade debido a alteracións no seu
desenrolo ou na mobilidade das súas mans.
Existen moitos instrumentos que facilitan o
correcto agarre do lapis. Eu, por exemplo, son moi partidaria nos cursos de 3 e
4 anos de empregar os lapis, rotuladores e ceras con forma triangular. Primeiro
comezando por un maior grosor e ir diminuíndoo co paso do tempo.
Por exemplo, agora na aula estabamos empregando os
lapis de Stabilo Easygraph que os hai para destros e zurdos e que coas “muescas”
que teñen benefician moito o seu bo agarre.
Ademais
de estes, existen adaptadores externos tanto para nenos e nenas con alteracións
nas súas mans como sen elas. A continuación preséntovos algúns exemplos a
través dun vídeo, por si precisarades da axuda de algún, poidades elixir o que
mellor se adapte ao voso neno ou nena. Pero é importante coñecer cal é a
dificultade que presenta para facilitar o adaptador máis axeitado.
Espero vos axudaran en algo estas orientacións. Un forte saúdo.
No hay comentarios:
Publicar un comentario