Aniversarios verán: Martín e Mauro

    E como o mal tempo parece que agora nos dá un pequeno respiro, que mellor que un pouco de música de verbena para encher de ledicia estas vacacións e para achegarvos a celebración que fixemos no cole dos aniversarios de Martín e Mauro que en xullo e agosto cumplen os seus 5 anos.

       PARABÉNS  PEQUENOS!

FIN DE CURSO

    Inda quedándome pendente o video dos aniversarios do verán, non quería que pasara máis tempo sen facer o meu pequeno homenaxe aos meus pequenos heroes e heroínas polo gran curso que levaron a cabo e a súa responsabilidade; e, por suposto, desexarvos a todos e todas unhas moi felices vacacións máis que merecidas!

 

 VÉMONOS MOI PRONTIÑO!

Aniversarios maio: Celia, Marcial, Nicolás e Paio

 O MAIO

Aí vén o maio

de frores cuberto ...

Puxéronse á porta

cantándome os nenos;

i os puchos furados

pra min estendendo,

pedíronme crocas

dos meus castiñeiros.

Manuel Curros Enríquez, Aires da miña terra

    E co primeiro domingo de maio recordamos as nosas nais, a esas persoas imprescindibles nas nosas vidas e as que tanto queremos. Vai pasando o mes e chegamos ao 17 de maio para homenaxear a outra mamá, pero neste caso a de Darío, Xela Arias. Muller, poeta, tradutora, editora e docente a que neste ano 2021 se lle adicou o Día das Letras Galegas. Co bo tempo que nos acompañou, puidemos gozar moito do horto escolar e do descubrimento de moitos recunchos do noso patio. Na aula seguimos traballando co centro de interese do "espazo", que nos encanta, e que probablemente teremos que seguir ampliando no vindeiro curso. E, neste mes, o Club de Ciencia do cole organizou actividades moi interesantes na biblioteca que nos permitiron xogar, fedellar e experimentar. Por suposto, como cada remate de mes, festexamos os aniversarios de catro dos nosos pequenos-grandes heroes.

                      PARABÉNS!

MATERIAL DE LECTURA

Letras Galegas 2021

Feliz día das nosas letras!! 

Día da familia

Hoxe , día 15 de maio, festéxase o día da familia. Temos que ser conscientes de que o modelo de familia tradicional vai cambiando, pero o que nunca poderá cambiar será o respecto e o amor; elementos que farán a cada familia especial e única.

Feliz día!

Aniversarios abril: Laura, Daniella e Antón

    Durante o mes de abril seguimos traballando en actividades relacionadas co universo e coa primavera. Tamén festexamos o "Día do Libro" e, por suposto, as 5 "primaveras" de Laura, Daniella e Antón. 

                PARABÉNS!

Aniversarios marzo: Héctor, Mateo e Tábatha

     Co mes de marzo dá comezo a primavera, estación na que os días son máis longos, vai mellor tempo e podemos pasar máis tempo fóra da casa e do colexio. É un mes importante porque nel festexamos, entre outros, o "Día da Muller", "Día da Poesía e do Teatro", "Día mundial do Clima" e o día no que recordamos dunha maneira especial a esa persoa tan importante que comparte o noso día a día.

    Este ano co remate do mes de marzo tamén demos por despedido o segundo trimestre; con moita ilusión de seguir compartindo tempo xuntos na realización de unha e mil actividades e, por suposto, por seguir festexando que os nosos pequenos e pequenas da aula de 4 anos A se van facendo maiores.

                      PARABÉNS!

23 de abril: Día do Libro

"En abril libros mil, 

e o resto do ano todos os que queiran vir"

    Porque nunca algo tan pequeno como a lectura de un conto supuxo uns beneficios tan grandes nos nenos e nenas: Mellora a súa concentración, aumenta o vocabulario, aprenden sobre o mundo que lles rodea, relaxa o corpo e a mente, é unha forma sa de entretemento, desenvolve a empatía, exercita e mellora a súa imaxinación, e ademáis, é 

DIVERTIDÍSIMO! 

PREME NA IMAXE PARA VER O CONTIDO

SEMANA SANTA 2021

DÍA INTERNACIONAL DA MULLER

 

24 de febreiro: Día de Rosalía

    Cada ano por esta data conmemórase o Día de Rosalía, a nosa escritora galega máis representativa, sempre en permanente actualidade e cuxa obra trascende as fronteiras universais. Unha muller reivindicativa e loitadora, que nunca deixou de defender a figura da muller, da nosa terra e da nosa fala. 

    Na aula, traballamos a canción de "Rosalía Pequeniña" de Uxía e fixemos un "collage" dunha Rosalía soñadora, o cal acompañamos do poema da autora: 

 "É feliz o que soñando, morre. 

Desgraciado o que morre sen soñar"

ENTROIDO: RIANXO FASHION WEEK

    Este domingo de Piñata damos por rematado este Entroido tan particular e, buscando canción para o vídeo do desfile, detinme na letra dun dos símbolos musicais do Entroido: Celia Cruz e o seu éxito "La vida es un carnaval". E pouco máis teño que engadir... 

Todo aquel que piense que la vida es desigual,

tiene que saber que no es así,

que la vida es una hermosura, hay que vivirla.

Todo aquel que piense que está solo y que está mal,

tiene que saber que no es así,

que en la vida no hay nadie solo, siempre hay alguien.

Ay, no hay que llorar,
que la vida es un carnaval,
y es más bello vivir cantando.
Oh-oh-oh, ay, no hay que llorar,
que la vida es un carnaval,
y las penas se van cantando.

Todo aquel que piense que la vida siempre es cruel,

tiene que saber que no es así,

que tan solo hay momentos malos, y todo pasa.

Todo aquel que piense que esto nunca va a cambiar,
tiene que saber que no es así,
que al mal tiempo, buena cara, y todo cambia.

ENTROIDO 2021

 

PREME NA IMAXE PARA VER O ÁLBUM DO ENTROIDO 😉

Aniversario xaneiro: Ibai

        Co comezo do novo ano toca felicitar ao neno máis maior da nosa clase, o primeiro en cumplir os 5 anos: IBAI. Pero neste mes ademais de seguir traballando a estación do inverno, tamén tocou festexar un día escolar moi importante: O "Día da Paz".                      Aí vai un pequeniño resumo:   

                        

                PARABÉNS IBAI!

                      *Música escollida polo cumpleañero 😂

Decembro: Nadal e aniversarios de Inés, Carlos e Erea

     Aquí vos deixo un pequeno resumo de algunhas das actividades que fixemos no mes de Nadal. 😻

BOAS FESTAS!

     Estimadas familias, hoxe sería un deses días no que a mañá a pasariamos xuntos vendo unha actuación dos nosos pequenos e pequenas; e, posiblemente, estando atentos á lotería. Pero este ano foi ben diferente e tivemos que conformarnos coa lotería, e espero que polo menos vos tocara algún belisco. Inda que o pasamos moi ben festexando os aniversarios de Erea, Inés e Carlos e xogando a diferentes xogos, eu botei de menos esas cóxegas no estómago porque todo saira ben e porque puiderades difrutar tanto como o facemos nós cando preparamos algo para vós. Pero xa que nos quedamos coas ganas... Que vos parece se recordamos o do ano pasado? A calidade da imaxe é espantosa e non fai para nada xustiza do ben que o fixeron; pero con este vídeo quero despedirme ata xaneiro esperando atoparvos a todos e todas ben e que pasedes unhas boas festas e o 2021 traia consigo moitas máis alegrías.

Aniversario novembro: Raúl, Alexia e Irai

    A pasada semana tocounos despedir o mes de novembro e festexar os aniversarios de Raúl, Alexia e Irai que xa cumpriron "Súper-4-Aniños". Ademais contamos con unha visita moi especial na nosa clase,... a tartaruga Rallitas.

    Aquí vos deixo un vídeo que recolle pequenos-grandes momentos vividos estes días na nosa clase:

           PARABÉNS PEQUEN@S!

    Gozade todo o que poidades de estes días de descanso e o mércores vémonos con máis forza se cabe! 💪

25 N

Como mestra nunca deixarei de traballar por un mundo de igualdade.

Como mestra nunca deixarei de favorecer o desenvolvemento entre o meu alumnado do respecto e a liberdade. 

Como mestra nunca deixarei de proxectar como valores fundamentais a solidaridade, a empatía e o amor.

Como mestra nunca deixarei de FABRICAR LUZ.

CONTO DO DÍA

    Esta semana quero compartir con vós unha actividade matemática que nos acompaña case tódolos días na aula. O noso encargad@ terá que escoller tres libros da nosa biblioteca de aula e entre todos votaremos por cal será o conto que ese día leremos. 

    Despois de contabilizar os votos de cada proposta, ordenarémolos de maior a menor, asociaremos dita puntuación co seu número correspondente e representaremos a súa grafía.

MAGOSTO

    Se o pasado venres nos tocaba festexar o Samaín, esta semana adicámola a facer todos os preparativos para levar a cabo o Magosto. Esta festa tradicional do norte de España e Portugal ten como elementos comúns a súa celebración no mes de novembro (ou finais de outubro) e ter como elementos principais a castaña e o lume. Con esta festa a castaña recupera a importancia que o millo e a pataca lle foron arrebatando nos últimos séculos. Ao redor de esta celebración tamén son numerosos os rituais tradicionais para purificarse, curarse e recordar aos devanceiros.

    Para poder levar as castañas asadas precisabamos uns cestiños, así que... mans á obra!

    O venres preparamos os equipos na aula para os xogos. Dividímonos en 4 equipos con panos de cor azul poñéndoos en diferentes partes do corpo: Brazo, pescozo, perna e cintura. E... a xogar! Tivemos tres xogos: O "Traga-castañas", os "Aros musicais" e os birlos. 

Pasámolo xenial! 

       

  Despois dos xogos, na aula xogamos cos carbóns das brasas e descubrimos que non valen só para asar, senón tamén para PINTAR.

    E fixemos un cornete de castañas recortadas, para que nos quedara de recordo de este día:

EDUCACIÓN RESPONSABLE

    O noso centro atópase traballando no programa de Educación Responsable da Fundación Botín para a promoción do desenvolvemento emocional, social e creativo dos rapaces e rapazas.

    No enlace que vos figura a continuación podedes atopar ideas e actividades moi interesantes para fomentar dito desenvolvemento nos nosos nenos e nenas:

    Animádevos a pór en marcha algunha de estas actividades e contádenos como foi a vosa experiencia nos comentarios ou na dirección de correo electrónico:

educacionresponsable@fundacionbotin.org

Outubro: Aniversarios de Óliver e Iker

  Chegamos ao remate do mes de outubro e a situación cada vez complícase máis, cada día é un pouco máis duro e todo se fai un pouquiño máis costa arriba. Sabémolo! Pero aquí seguimos, todas e todos xuntos, cousa que non me pode alegrar máis. Así que agora, máis que nunca, eu tirarei de vós, e vós tiraredes de min; e así, seguiremos sumando días xuntos. 

   E que mellor forma de festexar que aquí seguimos os 23+1 que con unha celebración dobre: Samaín e aniversarios de Óliver e Iker. 

   Aquí vos deixo un pequeno resumo do ben que o pasamos:                            PARABÉNS PEQUENOS!

   E moitas grazas a tod@s pola vosa participación e polas mostras de creatividade e imaxinación na elaboración das carautas, dos disfraces e das merendas terroríficas.  

Sodes xeniais!

Aniversarios setembro: Iria e Laia

    O pasado venres 2 de outubro festexamos os aniversarios correspondentes ao mes de setembro: Iria e Laia. 

PARABÉNS PEQUECHAS!

         

    E probamos a nosa máquina de flocos de millo... 

VAIA  DESCUBRIMENTO!!

OUTONO

      O pasado 22 de setembro demos a benvida a estación do outono; e os nenos e nenas da aula de 4 anos A saímos ao entorno do noso centro para ver os cambios que neste se producen coa chegada de esta nova estación. Observamos a cantidade de follas diferentes que se atopan no noso patio, a amplia gama de cores que as conforman, achegámonos ata o noso castiñeiro "Catarina", recollemos follas e froitos e, posteriormente na aula, con témperas e pintura de selos puidemos ver que as follas tamén teñen as súas propias pegadas.

 

CURSO 2020-2021

 

LECTO-ESCRITURA_Letra E_2ª Parte

 

LECTO-ESCRITURA_Letra E_1ª Parte

   Conto:

   Canción:
  Actividades:

MATEMÁTICAS

      Con este xogo baseado no método ABN imos traballar cos nosos nenos e nenas a asociación número-cantidade, as cores, a grafía dos números,... e, ao mesmo tempo, levaremos a cabo unha actividade que propiciará o desenrolo da súa psicomotricidade fina. Podedes facer modificacións en función de aquilo que queirades traballar, como por exemplo, eliminar o patrón de cor e deixar tan só o de cantidade, ou viceversa.

Moitos bicos meus pequen@s! Xa falta moi pouquiño para poder estar outra vez todas e todos xuntos!

LECTO-ESCRITURA_Letra O_2ª Parte

TALLER DE SOMBRAS

      Despois de ver o ben que o pasa Martín con tan pouca cousa como unha lanterna, anímovos a que nestas noites de verán levedes a cabo algunha actividade de este estilo. Son actividades moi motivadoras e que acostuman a provocar moita ilusión nos nosos pequenos e pequenas:

        Hai moitas maneiras de facer bonitos xogos empregando a realización de sombras na escuridade. Aquí vos deixo algúns exemplos moi sinxelos:

Espero esteades a gozar moito destas vacacións e do bo tempo que nos acompaña! Mil bicos meus pequen@s!! Vémonos moi prontiño!

MATEMÁTICAS

XOGAMOS COAS FROITAS:

      Durante o verán atopamos froitas que están no seu mellor momento, como por exemplo a sandía, o melón, as cereixas, as fresas, o melocotón, as cirolas,...

      Pequen@s... é moi importante que consumades froita porque ten moitas vitaminas e minerais que van axudar a que non vos poñades enfermiños e a facer mellor a dixestión. Así, que xa sabedes, a froita é importantísima comela ao longo de todo ano, pero especialmente no verán porque temos gran variedade de elas, que están riquísimas e que na praia nos van a refrescar un montón.       

      A continuación déixovos unhas actividades relacionadas coas froitas que espero vos gusten!! 

Mil bicos e espero que esteades a gozar moito do verán!

LECTO-ESCRITURA_Letra O_1ª Parte

                         A PRINCESA "O"

  Conto:

   Canción:

  Actividades:

MATEMÁTICAS

MASCOTAS_4

E hoxe damos por rematada a serie "MASCOTAS". Espero que vos gustaran tanto como a min! Recordade que tendes unhas actividades en "Mascotas_2" que podedes levar a cabo tamén cos animaliños dos vosos compañeir@s.

En primeiro lugar Mateo preséntavos a...

Na casa de Erea as súas mascotas xogan tanto como ela e a súa irmá:

E para rematar, o granxeiro Paio preséntanos todos os exemplares de animais que compoñen a súa granxa e ensínanos as súas destrezas ao volante do tractor e do coidado dos animais:

Moitísimas grazas chic@s!

NOITE DE SAN XOÁN

Vinte unha crara noite,

noitiña de San Xoán,

poñendo as frescas herbas

na fonte a serenar. 

Rosalía 

AUGA MÁXICA DE SAN XOÁN

       A noite de San Xoán din que é a máis cativa do ano, pero tamén é a máis máxica. En Galicia é a noite do lume, das cacharelas, das augas milagreiras, e tamén a máis rica en lendas e costumes. 

        A auga milagreira faise recollendo herbas e plantas con moito arrecendo, pois din que canto mellor cheiren, máis espantan os malos espíritos e as bruxas. Recóllense polo serán do día 23 e déixanse na auga toda a noite.             

       Dependendo da zona empréganse diferentes tipos de plantas.  Pero, segundo dí a tradición hai 7 plantas que son as axeitadas para facer a auga do san Xoán, inda que despois nós fagamos as modificacións que consideremos. Con todas elas faise un pequeno feixe, métese nun caldeiro ou palangana e bótaselle auga, que segundo as lendas debería ser de sete fontes distintas.

    Segundo a tradición, a palangana coa auga, débese deixar sempre fóra da casa, para que o San Xoán a bendiga durante a noite. Ao outro día pola mañá, lávanse diferentes partes do corpo con ela para purificalo e protexelo de enfermidades; e non se pode secar con trapo ningún, ten que se secar co ar e co sol. A verdade é que non sei si purifica e cura, o que sei é que o corpo queda cun arrecendo á natureza que dá gloria.

      Antigamente, o feixe feito coas herbas, colgábase na parede da lareira o resto do ano.

            É unha tarefa preciosa de detectives de plantas na natureza. Anímovos a que saiades ás hortas, montes e camiños; e que busquedes algunha destas plantiñas ou outras de rico arrecendo e sigamos mantendo esta tradición tan fermosa!

 

• O hipérico ou herba de San Xoán alivia a depresión e protexe contra os malos espíritos. Ten propiedades cicatrizantes, aptisépticas e diuréticas.

• O fiúncho protexe do mal de ollo e ten propiedades diuréticas e dixestivas

• A herba luisa ou verbena ten propiedades dixestivas.

• O codeso ou xesta ten propiedades purgantes, diuréticas e tónicas para o corazón. Utilízase para barrer a casa para purificala e protexela dos malos espíritos.

• O fento macho é velenoso. É un antiparásito moi bo e actúa como paralizante muscular. Dise que bota flor a media noite do san Xoán.

• A malva é boa para a picadura das avellas e queimaduras.. Serve para todo: resfriados, bronquite, afeccións dixestivas, nervos, etc.

• O romeu purifica e protexe. Ten propiedades tónicas e estimulantes, moi bo para a reuma, artrite, trastornos do sistema circulatorio, depresión, dores de gorxa, etc.

        Son moitos os ditos que falan desta noite máxica. Aquí vos deixo algúns exemplos: 

• Na noite de San Xoán non te deites ata a mañá.
• Na fogueira de San Xoán, todos caen ó chan.
• No San Xoán as bruxas fuxirán.
• Polo San Xoán, as nove co día darán.
• O día de San Xoán é o día máis longo do verán.
• Mañanciñas de San Xoán, unhas corren e outras van.
• Polo San Xoán, calquera burro gaña o pan.
• Quen xexuna polo San Xoán, é tolo ou non ten pan.
• Na noite de San Xoán, bebe viño e come pan.
• Polo San Xoán a sardiña molla/pinga o pan.

        Como son moi sinxeliños de seguro que sodes capaces de memorizar algún de eles.

Un bico enoooorme meus pequen@s e feliz noite de San Xoán para tod@s!!

CHEGOU O VERÁN!

Hoxe, 20 de xuño, exactamente ás 23:44 h. dará comezo a estación do estío. E que mellor maneira de recibilo que... CANTANDO e BAILANDO!!!!

BO VERÁN PARA TOD@S!

DESPEDIDA CURSO

MATEMÁTICAS